الأمثال الشعبيه اللبنانيه

[hisham5555]

الأمثال الشعبيه اللبنانيه

الأمثال الشعبيه اللبنانيه

--------------------------------------------------------------------------------

بسم الله الرحمن الرحيم
ألسلام عليكم ورحمة الله وبركاته
أُحب أن أُقدم لكم مختارات من كتاب الأمثال الشعبيه اللبنانيه
ألوطن
زيوان بلادك ولا قمح الصليبي
حب الوطن من الإيمان
كل ديك ع مزبلتو صيّاح
ألكلب ببيتو سبع
ألرزق اللي مو ببلدك لا إلك ولا لولدك
ألبيت
ألبيت اللي رباني ما بينساني
أجار البيوت قبل القوت
يا بيتي يا بويتاتي يا مستّرلي عويباتي
أللي في بيتنا في بيت غيرنا
ألبيت بيت ابونا والناس بيخانقونا
ألسياسه والنظام
إذا بدك توصل للكبار صاحب البواب
إذا أردت أن تطاع فاسئل المُستطاع
ربّانين بالمركب بيغرق
كترة الأيدي بتحرق الطبخه
رعاية البقر ولا رعاية البشر
أنا أمير وأنت امير ومين يسوق الحمير
ألهجره والغربه
ألبعد جفا والقرب وفا
إذا رجعت من السفر قدم لاهلك ولو حجر
ألغريب اعمى ولو كان بصير
ألغريب لازم يكون أديب
كل غريب للغريب نسيب
ألتعاون
ضعيفين غلبو قوي
ألكتره غلبت الشجاعه
طبِّلِّي تَ زمِّرلك
من ساعدك بإيد ساعدو بالتنتين
ألبحصه بتسند خابيه

طبعاً يوجد في الكتاب المئات من الأمثال الشعبيه اللبنانيه الظريفه
فإذا أعجبتكم واردتم المزيد فأنا حاضر للخدمه

---

hgHlehg hgaufdi hggfkhkdi

[ronya]

جزاك الله خيرا اخي هشام
امثلة جميلة تسلم ايدك
حضرتك لبناني اخي هشام ؟؟؟؟؟؟

انا اطمع بسماع المزيد اخي هشام
فى انتظارك

[أمـــة الله]

شكرا لك اخي هشام على هذه الامثال

وهذه بعد الامثال اللبنانية ايضا
إبنك وهو صغير ربيه ولما بيكبر خاويه

أخطب لبنتك قبل ما تخطب لأبنك

البحصة بتسند خابية

البعد جفا والقرب وفا

البومة لو فيها خير ما فاتها الصيّاد

التعلم في الصغر كالنقش على الحجر

الجار قبل الدار

لكن هذا المثل اول مرة اسمع فيه

كل ديك ع مزبلتو صيّاح:36_2_15:

[hisham5555]

بسم الله الرحمن الرحيم
السلام عليكم ورحمة الله وبركاته
اشكركم جميعا على الكلمات الطيبه , انا فلسطيني من ما يسمى عرب الداخل اي عرب 48
وسوف اقدم لكم بعض الامثال الشعبيه علها تنال اعجابكم

حكى بدري وانشرح صدري
ان سلمت من السبع لا تطمع بصيده
يا مأكلني كعك ناعم الله يطلعني منك سالم
اللي بدك تخدمه طيعه واللي بدك ترهنه بيعه
بنت مليحه ولا ولد فضيحه
خلي ابنك في كمك ولا تتركه عند امك
كلمة بت ولا عشره لت
بيقعد بالحضن وبينتف بالذقن
من امنك لا تخونو ولو كنت خائن
ركبناه ورانا , مد ايده عالخرج
ريد الخير لجارك بتلاقيه بدارك

[ذو الفقار]

انا فلسطيني من ما يسمى عرب الداخل اي عرب 48

لا تمييز بين ابناء الشعب الفلسطينى

اهلا بك بيننا مرة اخرى

[hisham5555]

بسم الله الرحمن الرحيم
السلام عليكم ورحمة الله وبركاتة
اليكم بعض الأمثال التي اتمنى ان تنال اعجابكم

أبرد من برد كوانين
رياح كانون شيّبت النسور بالجو
بكانون كِنْ وعالفقير حِنْ
بكانون التاني الأصم قعود ببيتك وانطم
كانون الأجرد خلّى الشجر امرد
شباط غيمو وهواه احسن من شمسو وشتاه
شباط عدو العجايز
شباط ما على كلامه رباط
إمش عَ غيم كانون ولا تمش عَ نقى شباط
كل ساعة برأي مثل غيمة شباط
بالمستقرضات عند جارك لا تبات
آذار الغدَّار
آذار خبِّيلو فحماتك الكبار
بآذار إطلع بقراتك من الدار
حشيش آذار للشطار ، وحشيش نيسان للكسلان
باذار بيشهنق الحمار
الكرم اذا ما إنفلح باذار ، بار
شتوة نيسان بتسوى السِّكِّي والفدان
كل رعده بآذار مَطْرَه بنيسان
المَطْرَه بنيسان بتحيي الإنسان
برد أيار خراب الديار
المطره بايار بتموِّن الفلاح وبقراتو وبتجوز أولاده وبناته
بحزيران بتشعل النيران
بحزيران بتتدفى الحمير

[زنبقة الاسلام]

بسم الله الرحمن الرحيم

و

[الهزبر]

السلام عليكم ورحمة الله وبركاته

اين انت يا هشام نفتقدك.

تحياتي