أستودعكم الله أخوتي وأخواتي

[أبو عائشة السوري]

كانت الكاميرا الخفية
أضحك الله سنك وسامحك الله أخي أبو عائسة مزحة قوية شوية
على كلٍ أهلاً وسهلاً بعودتك البيت بيتك منور ملتقى البشارة سعداء بعودتك

بعرف بس والله العظيم مالي خبر أنه رح يصير كل ها الشي

وبكرر اعتذاري للجميع

وجاهز لأي عقوبة

[ام لينة و يونس]

لا انا بصراحة زعلانة كثير من حضرتك

[abu kareem]

الحمد لله رب العالمين
يعلم الله كم اني تضايقت لما قرأت خبر خروجك من المنتدى,مع اني ما بعرفك لكني شعرت اني فقدت اخ عزيز عليّ...
ولكن فرحت كتير اني قرأت خبر رجوعك..
و الله اني احب جميع الاخوة في الله..
مشاركاتي في المنتدى قليلة,لكني بحاول اقرأ جميع مداخلات الاخوة و الاخوات

[أمـــة الله]

[بعرف بس والله العظيم مالي خبر أنه رح يصير كل ها الشي
]وبكرر اعتذاري للجميع

لا داعي للأعتذار أبداً حصل خير المهم أنك بخير وبصحة جيدة أخي الكريم

وجاهز لأي عقوبة

العقوبة هي ولازم تنفذ العقوبة ماشي
أنك تشارك بخمسة مواضيع بالقسم اللي يعجبك وتضع لنا الروابط هنا
ما رأيك في العقوبة جميلة :)

[أبو عائشة السوري]

لا داعي للأعتذار أبداً حصل خير المهم أنك بخير وبصحة جيدة أخي الكريم
العقوبة هي ولازم تنفذ العقوبة ماشي
أنك تشارك بخمسة مواضيع بالقسم اللي يعجبك وتضع لنا الروابط هنا
ما رأيك في العقوبة جميلة :)

لا أختي الفاضلة لازم تكون العقوبة أقسى من هيك بكتير

لأنه ضميري كتير عبيأنبني وحاسس حالي إنسان نذل ههههه

[أمـــة الله]

لا أختي الفاضلة لازم تكون العقوبة أقسى من هيك بكتير

المشكلة أني لا أحب العقوبة مهما يكون
طيب أيه رأيك تكتب لنا موضوع في قسم الأسرة والعام والطفل والشعر والأدب العربية
العقوبة قاسية ومفيدة

لأنه ضميري كتير عبيأنبني وحاسس حالي إنسان نذل ههههه

لالا أبداً حضرتك من الأخوة الأفاضل
ما حدث يثبت لك غلاوتك عند الأخوة ومقدارك عن الأخوات

[أبو عائشة السوري]

مشكورة يا أختي الكريمة

ورح استجيب لأي عقوبة منك أو من أي أخ عزيز أو أخت فاضلة بها المنتدى الجميل

ومع ذلك أنا ما رح يرتاح بالي طالما أنه في شخص واحد أو أخت زعلانين مني

[ذو الفقار]

السلام عليكم ورحمة الله وبركاته

أخي الكريم : سامحك الله وهدانا وهداك
لا تعتذر يا اخي فأنت بين اخوتك ولا نعتبرك إلا واحد منا ولا شك في ذلك ولكنني سأقدم لك النصيحة فاقبلها من أخ لك في الله يحب لك الخير

قال صلى الله عليه وسلم " عليكم بالصدق، فإن الصدق يهدي إلى البر، وإن البر يهدي إلى الجنة، ولا يزال الرجل يصدق، ويتحرى الصدق حتى يكتب عند الله صديقًا ،وإياكم والكذب فإن الكذب يهدي إلى الفجور، وإن الفجور يهدي إلى النار، ولا يزال الرجل يكذب ويتحرى الكذب حتى يكتب عند الله كذابًا" متفق عليه

والنصيحة لي ولك ولكل من يقرأ هذا الحديث

حياك الله

والعقوبة ان تقدم لنا موضوع في قسم الأسرة كما قالت الأخت نورا

وأن تعزمنا على الغذاء هههه

[ام لينة و يونس]

بارك الله فيك أخي ذو الفقار على النصيحة اللهم اجعلنا من الصادقين
ويلا يا أخي أبو عائشة بَدّنَا أكلِه حلبيِّه مِيِّه بالمِيِّه

[أبو عائشة السوري]

بسم الله الرحمن الرحيم

لا يا ذو الفقار

أنا رح أحكي معك بكل صراحة،أنا عملت كل ها الشيء بدافع فعل السوء،لأني للأسف الشديد ما صرلي ملتزم سنتين،وقبلها كنت عايش حالة ضياع وضلال بأقبح وأبشع صوره وصل للإلحاد

الصريح في النهاية لو ما أنه الله لطف فيني،أنا من سنتين حاولت بكل قوتي أني أرمي ها الماضي لأنه كان مؤلم،بس للأسف الشديد الماضي بصوره السودا لحد الآن عبيشدني،بالنسبة للموضوع

بقسم الأسرة أو بغير قسم الأسرة،أنا ما فيني أقدم شيء للإسلام والمسلمين وأنا فاقد لأخلاق المسلم ،والعلم النظري والكلام صدقني ماله قيمة إلا إذا عرفنا نطبقه،أنا رح أخد فرصة فترة صغيرة

لحتى أراجع نفسي، ورجائي الوحيد أنكن ما تنسوني من الدعاء بأنه الله يهديني،ما بدنا نضحك على بعضنا،بعرف منيح أني سببتلكن أذى نفسي كبير متل ما سببت أذى لناس قبلكن كتير كتير

،وبعرف تماماً حجم ها الأذى وحجمي أنا بنظركن،وحقكن شو ما قلتوا وشو خبيتوا بقلبكن وما حكيتوه بوجهي،بس رجاءاًَ لا تنسوني من الدعاء لأني والله العظيم ماني حابب أرجع لورا ولا

حتى مجرد أني ألتفت لورا،بس للأسف الشديد النفس بتضل ضعيفة،وبعتذر للجميع للمرة التانية والتالتة والرابعة وحتى المليون بس رجاءاً ادعولي ولاتنسوني من الدعاء