بسم الله الرحمن الرحيم
أهلاً وسهلاً ومرحباً بكم أخوتي وأخواتي
اللغز بيجوز تفكروه صعب لما بتقروا القصة ،بس مع شوية تركيز على التفاصيل وطولة بال رح توصلوا للحل وهو سهل جداً ،اللغز هو ماهو المكتوب في الرسالة
يامعين يا رب
مرة كان في واحد مرض مرضة كتير صعبة ،ماترك دكتور ولا صيدلية ماراح عليها وكله بدون فائدة ،وبلش خطر المرض يكبر و يكبر ،لحد ما إجا واحد من رفقاته ودله على حكيم ساكن برأس جبل ،وراح هذا الشب لعندالحكيم ولما وصل لعنده حكاله قصة المرض
وأعراضه و،قام قله الحكيم:ولايهمك يا ابني،مشلكتك محلولة بإذن الله،خود هاد الظرف ،فيه رسالة وحطه تحت المخدة يلي بتنام عليها لمدة أسبوع ورح تطيب ان شاء الله ،بس بشرط ،إياك ثم إياك ثم إياك إنك تقراها ،بس قريتها رح تموت بنفس اللحظة ،راح هاد الشب وعمل متل ماقله الحكيم بالضبط ،وفعلا بعد أسبوع تماما قام من سريره ولا كأنه
صابه شي لا ألم ولا مرض ولامن يحزنون،بس هاد الشب تحرك عنده الفضول ليعرف شو مكتوب بالرسالة،وحقه،فكر وفكر وفكر ،قال لحاله:إذاأنا قريتها رح أموت ،بس أكيد مارح يصير شي إذا واحد غيري قراها أكيد ان شاء اللهمارح يصرله شي،راح هاد الشب لعند أبوه وطلب منه يقراالورقة
،قله أبوه:تكرم عينك بني،ولما قراها طلع فيه ووجه صار أحمر وعصبوقله: معقولةأنت تكون وصلت لها الدرجة من الانحطاط وبهاي السرعة !إطلعبرا،الولد:يابابا شوفي،الأب :لك اطلع برا ولا تقول يابابا أنا متبرئ منك (بصوتعالي)،فعلا طلع
المسكين وهو حزين كتير كتير ،وشافته أمه :سألته مالك بني خير احكيلي ليش ها الزعل؟قام حكالها يلي صار ،قلت:شوووو ،معقول هيك أبوك عقله صغير ،لا حول ولا قوة إلا بالله،طيب هات ها الورقة لأشوف،قلها :ومابتزعلي شوماكان فيها،قالتله:يؤ وليش لحتى ازعل ،ليش أنت شو إلك علاقة بالمكتوب فيهاأصلا هات لاشوف،ما لحقت تكمل قرايتها إلا وانفجرت الأصوات كأنه صارت حرب ويا
لطيف واتقلع المسكين ونام بهداك اليوم برا البيت،والفضول كان رح يقتله عقبال مايعرف شومكتوب فيها ،صار يروح لعند رفقاته واحد واحد ،والمسكين كانت النتيجة نفسها لحتى مابقيله ولا صاحب بها البلد،فقرر يهاجرلغير بلد،
وبلا طول سيرة عليكن ،قضى فترة بها البلد التاني وقرر يرجع لبلده ،وقال لحاله :أكيد ان شاء الله بيكونوا نسيوا القصة ،وركب بهاالطيارة وقرر أنه يرجع لبلده ولما أقلعت الطيارة ،وصارت فوق البحر،نادى الطياربإنذار أنه الطيارة صار فيها عطل ماله حلة نهائيا،
والمسكين مابيعرف يسبح وبلشت الطيارة تتجه لسطح البحر متل الصاروخ ،يعني موتة بشعة كتير كتير ،فكر وقال لحاله:هلا أنا ميت وميت،طيب أحسن ماأموت غرق خليني أفتح ها الرسالة وأقراها وأخلص ،وفعلا وقف على باب الطيارة ومد إيده على جيبه وطالع الظرف
_
_
_
_
معلش اصبروا شوي الشب كتير صبر وتشنطط وتعذب
_
_
_
_
معلش اصبروا شوي كمان وحقكن على نافوخي
_
_
_
_
هانت يلا قربنا
_
_
_
_
_
_
_
_
_
_
_
_
_
_
_
_
_
_
_
_
خلص توبة آخر مرة
_
_
_
_
_
_
_
_
لما طالع الظرف من جيبه فلت من إيده وطار ع البحر ومات المسكين غرقان من غير ما يعرف شو مكتوب بالرسالة
وأنا كمان للأسف الشديد لحد الآن ما بعرف شو مكتوب بها الرسالة
وصحتين وهنا وعوافي وأهلاً وسهلاً ومرحباً وشكراً على طولة بالكن وطيبتكن وسعة أخلاقكن وحياكم الله
hgvshgm hggy.
الرسالة اللغز
رد مع اقتباس
المشاركة الأصلية كتبت بواسطة eslam_10
ضوابط المشاركة
المفضلات