حول العالم مع عم مصيلحي

**أبو عائشة السوري** · 2011-01-03 09:42 PM

بسم الله الرحمن الرحيم
المشكلة هي عبارة عن قصة صارت مع واحد غلبان وهي كالتالي ،ورح أحاول التبسيط قدر الإمكان وأرجو التركيز لحتى نوصل للحل،إجا ها المسكين لعند واحد من الأطباء النفسانيين ليحكيله على مشكلته،قله:"يادكتور،أنا لما قررت أتزوج وقع اختياري على إنسانة أكبر مني بالعمر ،بس الشهادة لله أنه إنسانة فاضلة ومحترمة وبنت ناس،ولما إجو أهلي ليتعرفوا على الجماعة قام أبي شاف بنتها عمرها 18 سنة ووقعت عينه عليها وتزوجها

،يعني صار أبي صهري زوج بنتي وصرت أنا حماه لأبي،ولما زوجتي ولدت ولد صار الولد يلي هو حفيد أبي ،وهو بنفس الوقت أخوها لزوجة أبي يلي هي بنت زوجتي يعني بمثابة بنتي وهي بما أنه بتكون زوجة أبي يعني هي خالتي،وابني يلي هو أخوها صار خالي.

ولما زوجة أبي يلي هي خالتي وبنفس الوقت بنت زوجتي يعني بمثابة بنتي ولدت ولد صار هاد الولد أخي من أبي،وهو بنفس الوقت حفيدي لأنه حفيد زوجتي من بنتها يلي هي زوجة أبي.

وبما أنه زوجتي صارت جدة أخي ابن بنتها ،صارت زوجتي هي نفسها ستي وأنا حفيدها،وبنفس الوقت أنا جده لأخي،وبنفس الوقت خالتي زوجة أبي هي خالة أخي يلي هو ابنها وبنفس الوقت هي خالته وأمه،وبالتالي أنا صرت جد حالي وحفيد حالي وخال حالي

منقووول بتصرف

la;gm uhzgdm

**أمـــة الله** · 2011-01-03 10:03 PM

حولت عيوني ولم أفهم غير هذا جدي وهذا ابن أبي
وأبي صار أبي صهري زوج بنتي وصرت أنا حماه لأبي
قصة جميلة سلمت يداك أخي أبو عائش

**أبو عائشة السوري** · 2011-01-03 10:06 PM

المشاركة الأصلية كتبت بواسطة نورا

حولت عيوني ولم أفهم غير هذا جدي وهذا ابن أبي
وأبي صار أبي صهري زوج بنتي وصرت أنا حماه لأبي
قصة جميلة سلمت يداك أخي أبو عائش

صح خيتو نورا انتبهت عليكي طولتي وضل بالي عندك

بس لو كان معي وقت كنت نزلت مخطط بياني و وسائل توضيحية

ومعلش ها المرة حقكن على نافوخي كلكن وخيرا بغيرا والأيام جاية